Aprender compartindo sobre accesibilidade na cultura
Vimos de celebrar no Centro Ágora a xornada Como facer máis accesible a cultura? Unha proposta formativa na que conectar a profesionais da cultura con profesionais e activistas do eido social arredor da accesibilidade e a inclusión cultural.
A idea era que esa conexión servira para a aprendizaxe, neste caso da man de profesionais, usuarias e técnicas de entidades de diferentes colectivos de discapacidade.
Programa de mesas temáticas e sesión práctica
A xornada artellouse en dúas partes, durante a mañá e a tarde, cunha pausa para un xantar colectivo no que posibilitar as conversas e os contactos directos entre as participantes.
Na quenda da mañá celebráronse unha serie de mesas temáticas, en función das distintas necesidades de accesibilidade:.
- Mesa VISUAL
- Nieves García Longueira (Responsable do Servizo de Ocio e Tempo Libre de ONCE-Galicia)
- Ángeles Miguélez (Educadora-Mediadora Rede Museística Provincial de Lugo)
.
- Mesa AUDITIVA
- Rubén Capelán (Técnico de accesibilidade e xestor cultural)
- Montxo Solórzano (Picadiscos e activista musical).
.
- Mesa COGNITIVA
- Mª Dolores Portela León (Responsable do Programa de Accesibilidade Cognitiva de FADEMGA Plena inclusión Galicia)
- Aitana García (Responsable do Servizo de Accesibilidade da Federación Autismo Galicia)
- José Urbano Cuevas (Auxiliar de sala na Rede Museística Provincial de Lugo).
.
- Mesa FÍSICA
Na quenda da tarde houbo tempo para as cuestións máis prácticas, pequenas demostracións e un tempo para intervencións a modo de conclusións para pechar a xornada.
Anterior
Seguinte
Un proxecto que vai máis alá
As persoas que participaron na xornada -arredor de corenta- recibiron ao remate un diploma de asistencia que acredita a súa participación na formación.
Pero este proxecto, que conta co apoio de Cultura da Deputación da Coruña, vai máis alá desta actividade. Do que as relatoras compartiron nas mesas e do traballo previo ao encontro formativo sairán novos contidos, con vontade de axudar de xeito práctico na accesibilidade e inclusión no contexto de proxectos e organizacións culturais de proximidade.
Diso falaremos cando chegue o momento! Hoxe, non podemos máis que dar as grazas a participantes e relatoras. Tamén ás entidades que colaboraron na xornada e que podes consultar aquí
