Este outono estamos a desenvolver na Normal dous obradoiros en liña dirixidos a persoas con interese na creación de contidos dixitais.
Estas propostas formativas encádranse dentro da oferta de talleres que o espazo cultural da UDC ofrece á cidadanía. Están adicadas por unha banda a creación audiovisual e por outra ao proceso de creación e coidado dun blog.
Como aprender a crear contidos dixitais?
Máis alá dos coñecementos técnicos, que por suposto son necesarios, a nosa filosofía á hora de deseñar e impartir as formacións ten que ver, en realidade, co que se quere contar. E, por tanto, coa resposta a estas preguntas: que queres facer, para que e para quen.
O que tratamos de trasmitir é que a tecnoloxía é quen debe adaptarse aos proxectos das persoas. Non ao revés. E, a partir de aí, abordamos as ferramentas e recursos técnicos necesario.
Experimentando do vídeo ao blog
Este enfoque estivo moi presente no obradoiro de creación audivisual, que vimos de pechar da man do colectivo Merenda Creativa. Tamén na proposta Así se crea -e coida- un blog, que desenvolvemos estes días e que rematará a súa andaina a mediados de novembro.
Esta é terceira ocasión que colaboramos cos obradoiros da Normal. Xa participamos, a través de formatos en liña, con talleres adicados a outros aspectos da creación dixital: mantemento dunha canle de YouTube e iniciación á edición de vídeo, ambos con Merenda Creativa.
Tamén con formacións adicadas ás narrativas dixitais, da man dos compañeiros de Gingko ou iniciación á comunicación dixital.
Outras novas destacadas
As Estratexias da Museoloxía Social, adicadas este 2024 a investigar e aprender no museo con outro tempo
A Cultura é un dereito: Acción e políticas culturais municipais
A Rede Museística de Lugo abre a súa comunidade de aprendizaxe á sustentabilidade e o benestar
Políticas e dereitos culturais no centro da conversa
Coñecemos coa Fundación Uxío Novoneyra e o CEU en Xestión e Innovación Cultural a paisaxe e a cultura do Courel
