Logo de meses de aprendizaxe arredor da xestión cultural, e dun verán no que parte do alumnado aproveitou para desenvolver as súas prácticas, o Curso de Expert* Universitari* que coordinamos na USC pechou este 30 de setembro a súa sexta edición.
Foi un curso intenso, polas incertezas e cambios relacionados coa evolución da covid. Pero tamén por todo o que fomos facendo nel co paso das semanas. Por exemplo, xerar un espazo dixital en harmonía co presencial, tecer rede (a pesar da distancia da virtualidade) e traballar a gusto en equipo.
Ademais, nesta edición contamos de novo cun amplo equipo docente. Titores e titoras do Curso e outros profesionais do sector, referentes na contorna ibérica, que compartiron connosco os seus coñecementos e experiencias. Tamén coa colaboración de empresas e entidades do sector cultural para as prácticas voluntarias.
Todo isto, sumado ás enormes ganas de aprender do noso alumnado, fai que rematemos cun balance moi positivo. Poderás ler máis na propia web do Curso.
Cando será a sétima edición do CEU en Xestión Cultural?
O CEUXC ten actualmente carácter bienal. Por tanto, a vindeira edición, que será xa a sétima, celebrarase no curso 2022-23.
Como aínda queda un pouco de tempo ata que se abra a convocatoria, tes aquí a opción de susbcribirte ao boletín. Nel terás a información necesaria de primeira man para solicitar a túa praza.
Outras novas destacadas
As Estratexias da Museoloxía Social, adicadas este 2024 a investigar e aprender no museo con outro tempo
A Cultura é un dereito: Acción e políticas culturais municipais
A Rede Museística de Lugo abre a súa comunidade de aprendizaxe á sustentabilidade e o benestar
Políticas e dereitos culturais no centro da conversa
Coñecemos coa Fundación Uxío Novoneyra e o CEU en Xestión e Innovación Cultural a paisaxe e a cultura do Courel
