Convidadas polas nosas compañeiras de O Cable Inglés, coordinamos dous obradoiros enmarcados dentro da II edición do workshop “Sociedade Dixital e Xénero, Hackeando o patriarcado” da Cátedra de Feminismos 4.0 DEPO-UVigo.
- OBRADOIRO VIRTUAL PARA COMBATIR MACHITROLES. “STOPMACHITROLES”. Impartido por Macarena Hernández Conde, xornalista e colaboradora en diversos medios de comunicación, como El Salto e El Topo. Traballa na investigación sobre os discursos dos feminismos na cultura dixital dende o Grupo de Traballo de Apropiación de tecnoloxías dixitais e interseccionalidades do Consello Latinoamericano de Ciencias Sociais. É parte do equipo de Compolíticas e da Rede Iberoamericana de Investigación en Políticas, conflitos e movementos urbanos. Con Macarena puidemos desenvolver análises das redes sociais identificando comentarios machistas e misóxinos e, paralelamente, ver como podemos traballar na creación de deseños de “microproductos culturais de difusión virtual” (memes, vídeos, frases, cancións, etc) para respostar aos mesmos e facer que circulen pola rede.
- OBRADOIRO VIRTUAL “WIKIMARATÓN FEMINISTA. WIKIGAP.” Tratouse dun formato en liña dunha editatona. Nela partíamos da necesidade de traballar por una Wikipedia igualitaria, mediante a visibilización do traballo das mulleres, xerando novas biografías. A meirande parte das persoas que editan e crean contidos son homes (sobre un 80%) e iso tradúcese en que as reseñas biográficas de homes cuadriplican as de mulleres. E non só iso, senón que ás veces as biografías femininas non ofrecen unha visión obxectiva e completa das protagonistas.
