Achegámonos con Gingko ás novas narrativas dixitais na Normal

Este curso será unha introdución ás narrativas dixitais contemporáneas (memes, micro-vídeos, gifs…) e ás súas posibilidades creativas para elaborar as nosas propias mensaxes e campañas.

Dirixido a un público xeral, con intereses creativos e culturais por utilizar as narrativas dixitais como ferramenta para a divulgación, a sensibilización, o activismo, o contradiscurso e/ou a educación, sexa en contextos formais ou non formais.

O curso desenvólvese entre o 23/11/2020 e o 16/12/2020 e combinará pequenas pílulas de contido en liña, incluídos exercicios prácticos e interactivos, cunha parte de traballo práctico titorizado, incluídas sesións grupais en contornas virtuais.

Programa

O curso combinará pequenas pílulas de contido en liña, incluídos exercicios prácticos e interactivos, cunha parte de traballo práctico titorizado, incluídas sesións grupais en contornas virtuais.

Que quero contar?

Exploraremos as narrativas dixitais contemporáneas, reflexionaremos sobre as súas posibilidades e achegarémonos á construción de mensaxes propias e de contra-discurso.

Como podo contalo?

Coñeceremos as técnicas narrativas máis relevantes e as ferramentas que temos dispoñibles, ao tempo que faremos prácticas creando contidos propios.

Onde podo difundilo?

Deseño e planificación dunha pequena campaña de comunicación para a divulgación e a sensiblización ou dunha acción educativa (formal ou non formal), baseada nas estratexias traballadas durante o curso.

Tedes toda a información ampliada na web da UDC.

Subir