ViteArquiva é un proxecto comunitario, que nace da vontade da Coordinadora do Barrio de Vite de xerar un espazo no que documentar a memoria veciñal. A esta iniciativa sumouse o Instituto de Ciencias do Patrimonio (INCIPIT) do CSIC , dando lugar ao actual equipo motor do proxecto.
Nesta primeira etapa veciñanza e INCIPIT puxeron en marcha un proceso inicial de recollida de memoria. Ademais, co apoio de diversos profesionais, definíronse as bases do arquivo e activouse unha web na que consultar algúns dos contidos documentados.
O arquivo de ViteArquiva
Tras esta fase, ViteArquiva precisaba consolidarse como proxecto arquivístico. Isto é, acabar de definir unha metodoloxía coa que construír unha base de datos. E coa que seguir desenvolvendo a colleita de contidos.
Unha estratexia que vinculara os criterios profesionais que recolle a Norma Galega de Descrición Arquivística (NOGADA) e a realidade e posibilidades dun proxecto de carácter comunitario.
Coa vista posta non só no arquivo en si, senón no relato que este puidera xerar no futuro. E na posibilidade de plasmalo a través de espazos ou narrativas dixitais.
Unha extratexia adaptada á realidade do proxecto
A proposta coa que colaboramos en ViteArquiva contou co asesoramento técnico e a participación activa de Balbina Gándara, consultora especializada no eido da arquivística.
Deste traballo común xurdiu material didáctico e unha metodoloxía. Con bases profesionais e adaptada á realidade do proxecto, para garantir a súa sustentabilidade.
Trala celebración dunha xornada práctica na que aprender facendo para afianzar esta metodoloxía, ViteArquiva contínúa a súa andaina. Agora con novas ferramentas coas que planificar e avanzar no crecemento do seu arquivo.
Outras novas destacadas
As Estratexias da Museoloxía Social, adicadas este 2024 a investigar e aprender no museo con outro tempo
A Cultura é un dereito: Acción e políticas culturais municipais
A Rede Museística de Lugo abre a súa comunidade de aprendizaxe á sustentabilidade e o benestar
Políticas e dereitos culturais no centro da conversa
Coñecemos coa Fundación Uxío Novoneyra e o CEU en Xestión e Innovación Cultural a paisaxe e a cultura do Courel
