Os nosos compañeiros Marcos Lorenzo e Sergio Lago participaron no I Seminário de Intercâmbio de Experiências no âmbito da Cultura, que se celebrou na localidade portuguesa de Santa Maria da Feira. Foi unha nova ocasión para compartir experiencias e coñecemento con compañeir*s do sector da xestión cultural de Galicia, e especialmente de Portugal, en torno a unha reflexión sobre os observatorios municipais de cultura e a cooperación cultural.
A xornada permitiu tamén falar de xestión pública e contratación desde diferentes perspectivas e participar en dous obradoiros, sobre comunicación e accesibilidade na cultura e participación pública e da sociedade.
Este seminario desenvólvese no marco da capitalidade cultural do Eixo Atlántico, que este 2018 recaeu en Santa Maria da Feira. A localidade, referente do sector polos seus proxectos culturais, desenvolve desde xaneiro un programa multidisciplinar de actividades, en calidade de capital cultural, que rematarán o més que vén.
Outras novas destacadas
As Estratexias da Museoloxía Social, adicadas este 2024 a investigar e aprender no museo con outro tempo
A Cultura é un dereito: Acción e políticas culturais municipais
A Rede Museística de Lugo abre a súa comunidade de aprendizaxe á sustentabilidade e o benestar
Políticas e dereitos culturais no centro da conversa
Coñecemos coa Fundación Uxío Novoneyra e o CEU en Xestión e Innovación Cultural a paisaxe e a cultura do Courel
