As políticas e os dereitos culturais teñen estado moi presentes en diversas propostas desenvoltas nos últimos meses dende o sector cultural.
No eido formativo, o CEU en Xestión e Innovación Cultural que coordinamos na USC tamén recolle esa inquedanza. Por iso, ambas cuestións están moi presentes nesta sétima edición.
Para ir un pouco máis alá e incorporar novas voces ao debate e a reflexión, o CEUXiC promove, este mes de abril, un par de actividades fóra do marco das aulas.
Conversas sobre políticas e dereitos culturais
A primeira delas o mércores 19 de abril na libraría Númax (Compostela) coa investigadora e política Jazmín Beirak como protagonista.
A autora do ensaio Cultura Ingobernable falará das súas reflexións arredor do modelo de políticas culturais, e da esencia mesma da cultura, con Fran Quiroga.
Fran Quiroga, ademais de investigador e mediador cultural, é coordinador da iniciativa Concomitentes e forma parte do equipo docente do Curso.
Tamén no Consello da Cultura Galega
A segunda proposta impulsada dende o CEUXiC celebrarase o xoves 20 de abril (11:00-13:30) no Consello da Cultura Galega e é o Encontro Políticas Culturais.
Esta actividade, igual que a do día anterior, é con entrada libre ata completar a capacidade da sala.
Comenzará cunha panorámica das iniciativas lexislativas, estatais e internacionais promovidas arredor dos Dereitos Culturais da cidadanía, a cargo de Sergio Lago, coordinador do Curso.
Trala súa intervención teremos ocasión de coñecer, da man de Anxo Lorenzo, secretario xeral de Cultura da Xunta de Galicia, e Carmen Calviño, subdirectora xeral de Arquivos e Museos, a Lei de Cultura Inclusiva e Accesible de Galicia. A normativa, que se presenta como pioneira no contexto estatal, atópase actualmente en tramitación.
O encontro complétase coa mesa redonda “Dereitos culturais, puntos de consenso para unha protección lexislativa”, na que participarán Jazmín Beirak e o asesor de cultura na Deputación da Coruña e xestor cultural Xavier Campos.
Outras novas destacadas
Las Estrategias de Museología Social, dedicadas este 2024 a investigar y aprender en el museo con otro «tempo»
A Cultura é un dereito: Acción y políticas culturales municipales
La Red Museística de Lugo abre su comunidad de aprendizaje a la sustentabilidad y el bienestar
Políticas y derechos culturales en el centro de la conversación
Conocemos con la Fundación Uxío Novoneyra y el CEU en Gestión e Innovación Cultural el paisaje y la cultura de O Courel
