Arrinca a terceira edición desta exitosa proposta formativa para profesionais, o Curso de Experto Universitario en Xestión Cultural da USC, con case trinta alumn*s procedentes de ámbitos moi variados.
Xunto con Isabel Neira e Gonzálo Rodríguez, da USC, Marcos Lorenzo e Sergio Lago déronlles a benvida a esta formación para a nova acción cultural, lémbrandolles os obxectivos principais do Curso:
– dotal*s de coñecementos e destrezas precisas para concibir e coordinar un proxecto cultural na súa integridade, garantindo a súa viabilidade económica e impacto social.
– facilitar a transición do sistema cultural galego cara novos modelos sostibles, con maior énfase na captación de recursos, no uso das novas tecnoloxías, na cooperación con outros sectores económicos e na vinculación cos públicos finais.
– vinculal*s con algúns profesionais máis destacados da xestión cultural galega e peninsular e coas principais institucións culturais da Comunidade.
– estimular a súa capacidade para xerar proxectos innovadores que respondan ás necesidades de colectivos e territorios.
Tamén está dispoñible no blog colaborativo do curso un resumo da sesión.
Outras novas destacadas
As Estratexias da Museoloxía Social, adicadas este 2024 a investigar e aprender no museo con outro tempo
A Cultura é un dereito: Acción e políticas culturais municipais
A Rede Museística de Lugo abre a súa comunidade de aprendizaxe á sustentabilidade e o benestar
Políticas e dereitos culturais no centro da conversa
Coñecemos coa Fundación Uxío Novoneyra e o CEU en Xestión e Innovación Cultural a paisaxe e a cultura do Courel
