Posgrao en Xestión e Innovación Cultural da USC
BenCuriosa deseña e coordina integralmente este programa formativo dende a súa primeira edición no ano 2014. Na actualidade, está co-dirixido por Sergio Lago e Isabel Neira, profesora de economía aplicada na USC.
O curso, agora con periodicidade bienal, celebra 10 anos de traxectoria ofrecendo un programa formativo adaptado ás características do sector cultural galego e ás necesidades das profesionais. Nesta década, consolidouse como un espazo clave para tecer redes, contando con máis dunha trintena de docentes –profesionais en activo de toda a Península– que comparten o seu coñecemento para #AprenderFacendo e #AprenderCompartindo sobre xestión cultural.
Dirixido a…
Profesionais do sistema cultural (traballadoras de empresas e entidades culturais, técnicas de cultura, responsables asociativos, autónomas, etc.) que queiran actualizar os seus coñecementos ou obter unha formación regrada. Tamén está aberto a recentes graduadas universitarias, emprendedoras doutros sectores e todas aquelas persoas interesadas en adquirir unha visión integral da xestión cultural.
O que fixemos
- Deseño e coordinación integral do posgrao.
- Co-dirección e planificación académica.
- Desenvolvemento de novos formatos formativos modulares.
- Divulgación e campañas de difusión.
O enfoque
O programa formativo está orientado á conexión coa práctica profesional, mostrando novas tendencias no sector e experiencias inspiradoras. A metodoloxía baséase na aprendizaxe aplicada e na cooperación, promovendo o contacto directo con profesionais de prestixio e institucións culturais.
O curso actualmnete está estruturado en tres bloques temáticos, que tamén poden cursarse como Cursos de Formación Específica da USC:
📌 Análise e planificación estratéxica no sector cultural e creativo
📌 Deseño e xestión de proxectos culturais
📌 Mediación, comunidades e comunicación cultural
O equipo
- Sergio Lago – Co-director
- Marcos Lorenzo – Co-fundador e asesor de contidos
- Ruth Sousa – Xestión e comunidade
Colaboramos con
- Isabel Neira – Co-directora
- Diego Parajó – Docente e titor
- Beatriz R. Fontán – Docente e titora
- Diego V. Meizoso – Docente e titor
- Sonia Díaz – Docente e titora
- Alejandro Nieves Rodrigues – Comunicación
Os resultados
📌 Unha comunidade profesional consolidada – Máis de 400 profesionais da xestión cultural participaron xa no programa, xerando un espazo inédito de aprendizaxe e conexión en Galicia.
📌 Unha formación flexible e adaptada ao sector – Formato bienal compatible coa actividade laboral, impartido por profesionais en activo e con prácticas opcionais en institucións e empresas culturais.
📌 Difusión en aberto do coñecemento – Desde hai xa dez anos, os resumos das sesións están dispoñibles para quen queira seguir o fío da formación en edu.xestioncultural.com/blog
🔗 Saber máis
