Artesanías Dixitais. Creatividade emerxente en Galicia é un webdoc divulgativo de produción propia sobre as posibilidades profesionais e artísticas da tecnoloxía en Galicia. A través deste documental web multimedia, exploramos diversas profesións vinculadas ao ámbito dixital, desde novos enfoques laborais ata oficios tradicionais que incorporan a tecnoloxía como ferramenta esencial.

O proxecto ten como obxectivos:
📌 Divulgar as posibilidades laborais e artísticas do eido dixital.
📌 Aportar unha perspectiva igualitaria e interxeracional da tecnoloxía.
📌 Reforzar o galego como idioma da creación e difusión dixital.
📌 Desmontar a idea de que unha carreira tecnolóxica non se pode desenvolver en Galicia.

A través do testemuño de doce profesionais da programación, deseño de videoxogos, ilustración dixital, recreación histórica en 3D ou arte dixital, o webdoc pon en valor o traballo artesanal que existe tamén nas disciplinas tecnolóxicas: requiren coñecemento, destreza e moitas horas de adicación. Moitas veces, o primeiro deseño segue comezando cun simple boceto sobre papel.

O que fixemos

📌 Investigación e recollida de testemuños de profesionais do sector dixital en Galicia.
📌 Desenvolvemento dun webdoc interactivo como ferramenta divulgativa.
📌 Visibilización das oportunidades do sector tecnolóxico en Galicia, apostando polo galego como lingua da innovación dixital.

O equipo

Antón Varela – Comisariado e realización integral do webdoc interactivo.
Sergio Lago e Laura R. Duarte – Coordinación e estrutura dixital.

Colaboramos con

Fondo de Proxectos Culturais Xacobeo 2021 (Secretaría Xeral de Política Lingüística), que apoiou a iniciativa.

Os resultados

📌 Un webdoc accesible en aberto, para achegar ao público as posibilidades da tecnoloxía en Galicia.
📌 Unha aposta pola divulgación da creatividade dixital no noso idioma.
📌 Un recurso que inspira novas xeracións a explorar o potencial do dixital no territorio.

🔗 Saber máis