Investigación e Divulgación

A xestión cultural en Galicia. Unha visión panorámica e actual.

Unha achega colectiva á reflexión sobre os métodos de traballo no eido cultural galego.

Co gallo da 5ª edición do Curso de Expert* Universitari*en xestión Cultural da USC, promovemos “A xestión cultural en Galicia. Unha visión panorámica e actual”. Un total de trece textos, realizados por profesionais en activo, bos e boas coñecedoras dos seus respectivos ámbitos de traballo, nos que son referentes, cun obxectivo: abrir un espazo no que divulgar e compartir coñecementos sobre a xestión cultural en Galicia e no que debater sobre os retos e as potencialidades da cultura galega.

Edición, audiovisual, artes plásticas, música, políticas públicas, acceso a financiamento, comunicación e públicos, cultura dixital… son só algunhas das áreas temáticas e das perspectivas de análise que nos permiten trazar un mosaico global sobre a actualidade da cultura de nós.

O volume colectivo publicouse -un artigo por semana- no xornal dixital Praza. Esta primeira difusión dixital completouse coa publicación do conxunto de todas as achegas nun libro editado por Andavira.

A publicación pode atoparse en librarías, bibliotecas públicas e tamén dispoñible para descarga gratuíta. Toda a información e enlaces dispoñibles na web do Curso.

Traballamos con:

Alberto García, Marián Fernández, Uxío Novo, Manuel Gago, Encarna Lago, Sonia Díaz, Paulo Rodríguez, Henrique Alvarellos, Paula Cabaleiro, Andrea Villa, María Yáñez, Isabel Neira e Gonzalo Rodríguez.

Eds. Sergio Lago e Marcos Lorenzo.

Cando?

2019-2020

Sitio Web:

Queres que falemos sobre este proxecto?

Tanto se tes interese por saber máis sobre calquera detalle deste proxecto,
como se desde a túa entidade queredes coñocer as posibilidades de desenvolver proxectos similares,
consúltanos sen compromiso!

Subir