Cada vez máis persoas e colectivos toman conciencia da importancia do patrimonio, a memoria e a identidade, dando lugar á creación de arquivos comunitarios e temáticos. Estes proxectos culturais e cidadáns adoitan xerar un gran volume de materiais que cómpre catalogar, inventariar, documentar e conservar de maneira sostible.

Desde BenCuriosa, acompañamos ás persoas responsables de arquivos cidadáns na activación ou mellora sostible dos seus proxectos. O obxectivo é analizar o arquivo e o seu contexto para crear unha metodoloxía de traballo viable para o equipo e para o futuro do proxecto.

Traballamos, por exemplo, no barrio de Vite (Santiago de Compostela) co Instituto de Ciencias do Patrimonio INCIPIT-CSIC.

Dirixido a…

📌 Colectivos cidadáns e asociacións que impulsan arquivos comunitarios ou temáticos.
📌 Profesionais da xestión documental e da mediación cultural en proxectos de memoria.
📌 Equipos responsables de arquivos locais, etnográficos ou especializados.
📌 Institucións e entidades interesadas en preservar e difundir o seu patrimonio documental.

O que fixemos

📌 Análise do contexto do proxecto e das necesidades do equipo responsable.
📌 Avaliación dos fondos documentais existentes.
📌 Definición dun cadro de clasificación, inventario e ficha descritiva en base de datos.
📌 Desenvolvemento dunha metodoloxía de traballo sostible adaptada a cada caso, dentro do marco da Norma Galega de Descrición Arquivística (NOGADA).

O equipo

Ruth Sousa – Coordinación e execución.
María Masaguer – Asesoramento.

Colaboramos con

📌 ViteArquiva – Arquivo comunitario do barrio de Vite.
📌 Instituto de Ciencias do Patrimonio (INCIPIT-CSIC) – Apoio na investigación e desenvolvemento.
📌 Balbina Gándara – Acompañamento técnico.

Os resultados

📌 Arquivos máis estruturados e sostibles, con sistemas de clasificación e metodoloxías adaptadas a cada proxecto.
📌 Maior capacidade de conservación e difusión do patrimonio documental, facilitando o acceso e a consulta dos fondos.
📌 Fortalecemento dos equipos responsables, dotándoos de ferramentas profesionais para a xestión dos seus arquivos.

🔗 Saber máis