Deseñamos e coordinamos esta proposta formativa e de pensamento colectivo no 2023, para a comunidade iberoamericana de aprendizaxe da Rede Museística Provincial de Lugo (RMPL).

A través dun espazo dixital, un ciclo de conversas, un módulo formativo e un encontro presencial final, desenvolvemos un proceso de reflexión e aprendizaxe no que abordamos como activar prácticas museísticas e culturais para mellorar o benestar social e a sostibilidade. Pero tamén –e isto cremos que é esencial– como avaliar e medir o seu impacto. Fixémolo dende perspectivas diversas e da man de profesionais de referencia no contexto internacional.

Compartimos en aberto todos os contidos, gravacións e recursos que estiveron a disposición das máis de 300 persoas inscritas na nosa plataforma formativa.

Dirixido a…

Profesionais iberoamericanos do sector museístico e cultural, responsables de políticas culturais, investigadoras/es e todas aquelas persoas interesadas en comprender e medir o impacto da cultura no benestar social e na sostibilidade.

O que fixemos

Coordinación e deseño de contidos.
Organización do ciclo de conversas en liña.
Desenvolvemento dun módulo formativo sobre avaliación en museoloxía social.
Xestión e dinamización da plataforma dixital do proxecto.

O enfoque

Baseándonos no lema do Día Internacional dos Museos 2023 –»Museos, sostibilidade e benestar»–, estruturamos a formación en tres bloques principais:
🎙 Ciclo de conversas «O impacto da cultura no benestar e a sustentabilidade. Avaliar, medir, mellorar» – Sete encontros con profesionais de referencia para explorar estratexias de medición do impacto cultural.
📚 Módulo formativo «Avaliar para ser sostibles» – Dirixido por Eloísa Pérez Santos, centrado no deseño e implementación dun plan de avaliación en museoloxía social.
🌍 Espazos de participación e conexión dixital – Un espazo colaborativo para compartir experiencias, coñecemento e recursos.

O equipo

Sergio Lago – Dirección do programa e coordinación de contidos
Laura R. Duarte – Soportes web e contidos dixitais
Ruth Sousa – Coordinación técnica e comunicación

Colaboramos con

Encarna Lago (Rede Museística Provincial de Lugo) – Entidade promotora
Alexandra Rodríguez Rey (douserres) – Deseño gráfico
Eloísa Pérez Santos – Coordinación do módulo formativo

Os resultados

📌 Máis de 300 persoas inscritas – Participación activa de profesionais do ámbito museístico e cultural da contorna iberoamericana.

📌 Reflexión e aprendizaxe compartida – Espazo de debate e metodoloxías innovadoras para avaliar o impacto social dos museos.

📌 Contidos dispoñibles en aberto – Compartimos todas as conversas, recursos e materiais que estiveron a disposición das persoas inscritas na nosa plataforma formativa: