Creación cidadá

Laboratorios itinerantes de cultura dixital

A imaxe representa un momento de traballo colectivo,no marco dos Laboratorios Itinerantes de Cultura Dixital, fronte a un ordenador portátil

Unha proposta para a experimentación e aprendizaxe cidadá arredor da creación dixital

A finais do 2020 puxemos en marcha, co apoio da Deputación da Coruña a través do seu programa de proxectos singulares de especial interese cultural, os Laboratorios Itinerantes de Cultura Dixital.

Un proxecto que conecta a creadores e profesionais do eido dixital co tecido asociativo de concellos da contorna rural. O obxectivo,  favorecer o intercambio de saberes e o acceso da cidadanía ás posibilidades que para a divulgación, comunicación e creación de contidos ofrece o eido dixital.

Para isto, desenvolvéronse varios obradoiros. Inicialmente contemplouse a posibilidade de facelos semi-presenciais, pero a situación da covid obrigou a desenvolvelos integramente en liña, para o que empregamos a nosa propia plataforma dixital e deseñamos un percorrido formativo adaptado a esta circunstancia.

Os axentes creativos implicados na primeira edición dos Labs foron os creadores audiovisuais Merenda Creativa, a produtora Illa Bufarda e o colectivo Gingko, xunto co equipo de BenCuriosa apoiado polo creador audiovisual Antón Varela e a especialista en procesos participativos e patrimonio María Masaguer.

Da súa man, os Laboratorios Itinerantes ofreceron os seguintes obradoiros:

  • Creación audiovisual (Merenda Creativa, en Vimianzo)
  • Narrativas dixitais (Gingko en Neda e Narón)
  • Construímos un Relato (BenCuriosa en Carral, Muros, Cedeira e Valdoviño)
  • Acción de guerrilla: crea a túa propia campaña contrapublicitaria (Illa Bufarda, para todos os concellos participantes)

90 persoas, relacionadas con 35 entidades (asociacións de veciños, culturais, de mulleres, ecoloxistas, etc,…) e diversas (de diferentes idades, intereses e niveis de autonomía dixital, incluídas persoas sen coñecementos previos) participaron nesta proposta de experimentación e aprendizaxe, da que podes saber máis aquí.

 

Traballamos con:

Proxecto propio

Cando?

2020 e 2021

Sitio Web:

Visual Portfolio, Posts & Image Gallery for WordPress

Laboratorios Itinerantes-foto de grupo

Laboratorios Itinerantes-Gingko en Narón e Neda

Laboratorios Itinerantes-Merenda Creativa en Vimianzo

Laboratorios Itinerantes-Illa Bufarda

A produtora creativa Illa Bufarda desenvolveu nos Laboratorios Itinerantes de Cultura Dixital unha proposta aberta aos sete concellos participantes centrada na contrapublicidade. A imaxe correspóndese cunha mentoría final, na que se repasaron de maneira personalizada os proxectos das participantes.
Queres que falemos sobre este proxecto?

Tanto se tes interese por saber máis sobre calquera detalle deste proxecto,
como se desde a túa entidade queredes coñocer as posibilidades de desenvolver proxectos similares,
consúltanos sen compromiso!

Subir