"A Cultura é un dereito: Acción e políticas culturais municipais"

Con este espazo de encontro búscase mostrar liñas de traballo contemporáneas, máis aló da cultura só como oferta de entretemento ou de atracción de visitantes. Cunha perspectiva máis ampla e integral do sistema cultural de proximidade que debe garantir os dereitos culturais da cidadanía.

Unha cultura cunha visión social, que permita mellorar o benestar e a vida das veciñas e veciños.

Esta xornada pon en valor tamén o perfil profesional da xestión cultural, a importancia da formación e do coñecemento técnico que aporta o persoal público. Ademais de divulgar que se trata dunha disciplina cun sólido marco académico, ampla vertebración profesional e recoñecemento por parte de numerosas institucións internacionais, que avalan e recomendan as liñas que se presentan.