A “Global Service Jam” chega a Compostela: #CompostelaJAM

Durante a última fin de semana de febreiro tivo lugar a Global Service Jam, unha cita mundial co design thinking e cun reto común arredor do deseño de produtos e servizos centrados nas persoas.

Grazas á proposta do docente do noso Curso de Experto en Xestión Cultural e experto jammer, Diego Parajó, en BenCuriosa non quixemos deixar pasar a oportunidade de coorganizar a #CompostelaJAM xunto a el e a Chus Prol (Coworking Doutro Xeito). Así, alumnado das dúas promocións do Curso tiveron a oportunidade de traballar, compartir e prototipar ideas xunto a coworkers e profesionais do deseño de proxectos, como Marcos Saavedra (Designthinking.gal) e África Rodríguez (Espacio Arroelo).

O enfoque foi marcadamente lúdico e dinámico. Xurdiron desta intensa xornada proxectos sorprendentes, orixinais e imaxinativos, así como novas alianzas e moitísima diversión!

* Grazas tamén ao fotógrafo Xaime Cortizo polo video-resumo.

Queres compartir este contido?
Subir