Proxectos curiosos,
feitos con mimo,
ao servizo da comunidade.

A imaxe representa unha demostración de vídeo-mapping. As persoas que vemos na imaxe son un home e unha muller. Non distinguimos as formas proxectadas,. A imaxe, que é un recorte doutra fotografía probablemente máis ampla, está en branco e negro

Cultura para a transformación social

En BenCuriosa creamos equipos de traballo para investigar, experimentar, facer proxectos e compartir coñecemento. 

Únenos unha forma de traballar coidadosa e que cremos nunha cultura aberta (inclusiva, exploradora, dinámica) que aposta pola implicación cidadá e a finalidade social dos proxectos, pola potencia da cooperación transdisciplinar entre axentes e pola conexión coa esfera internacional desde unha forte ancoraxe na identidade propia.

Desde a xestión cultural tecemos redes, investigamos, deseñamos e activamos novas estratexias institucionais, experiencias formativas e espazos creativos que respondan de xeito innovador aos retos actuais da sociedade.

Equipo e Rede

Compartimos valores e cremos nos proxectos curiosos, feitos con mimo, ao servizo da comunidade.
Sergio Lago

Director de proxectos

Creo na xestión cultural como ferramenta de transformación social e interésanme as políticas culturais que garantan os dereitos culturais da cidadanía. Unha Cultura máis sustentable que coide mellor aos seus traballadores, ao tecido creativo do territorio e o seu impacto social.
Ruth Sousa

Comunicación e xestión cultural

Gústame contar historias e tamén escoitalas. Así que é unha sorte que o meu traballo, dende hai tempo, teña tanto que ver con tecer relatos.
Diego Parajó

XENEME innovación social

Compartimos proxectos de innovación, formación, tecnoloxía social e participación comunitaria. E post-its, moitos post-its... cos que activar procesos creativos en equipos e organizacións.
Laura R. Duarte

Produción e comunicación

Compañeira de viaxe esencial no camiño de BenCuriosa, surfeamos xuntas unha pandemia deseñando formacións e proxectos dixitais. Agora navega principalmente noutra das súas paixóns, as artes escénicas, pero continuamos a colaborar en produción de contidos.
Beatriz R. Fontán

Poliédrica

Creatividade para innovar no marketing cultural, explorando xuntas novas pontes entre proxectos culturais, públicos e patrocinio.
María Masaguer

Investigadora e facilitadora

Compañeira de camiño en procesos de diagnose, facilitación da aprendizaxe e innovación na creación colectiva de coñecemento.
Jaume Colomer

Bissap

O noso referente na xestión e desenvolvemento de públicos culturais. Con el coñecemos a definición do público obxectivo, a súa segmentación estratéxica e a relación a establecer con cada un deles.
Marcos Lorenzo

Xestor cultural

Membro fundador de BenCuriosa, xunto a Sergio Lago, actualmente desenvolve o seu traballo no ámbito público. Seguimos a colaborar en iniciativas sen ánimo de lucro, para a divulgación de coñecemento arredor da Xestión Cultural.
Traballamos xuntas?

Tanto se tes interese en colaborar dentro de calquera das nosas liñas de traballo,
como se pensas que podes achegar o teu coñecemento como especialista ou docente nalgún ámbito,
escríbenos e consúltanos sen compromiso!

Subir